DAVAO CITY – Wala gipadaplin ni Davao City Mayor Inday Sara Duterte-Carpio ang posibilidad nga subling ipailalom ang lungsod sa enhanced community quarantine (ECQ) human ang rekomendasyon sa health cluster sa local government Task Force COVID-19 tungod sa nagkataas nga kaso sa mga natakdan ug virus.
Sumala pa kang Mayor Inday, nakiglambigit na siya sa health cluster nga i-review ang ilang criteria sa girekomendang ECQ, gamit ang susama nga parameters gikan sa Inter-Agency Task Force for the Management of Emerging Infectious Diseases (IATF-EID).
Hisgutan na lamang sumala pa karon sa lokal nga kagamhanan ang maong rekomendasyon kung mogawas sa gipahigayon nga review nga kinahanglan isailalom ang lungsog sa lockdown aron lamang mapugngna ang transmission sa infections.
Kahinumduman nga anaa sa general community quarantine (GCQ) with heightened restrictions ang siyudad sa kasalukuyan apan kung padayon nga mosaka ang kaso sa Covid-19 ug ang bag-ong variant nga Delta, mamahimo sumala pa nga i-reclassify kini sa ECQ.
