DAVAO CITY – Ipahigayon karong adlawa ang mobile vaccination sa Barangay Communal ning Dakbayan sa Davao.
Gipangunahan sa Davao City Council ang nasangpit nga programa isip pagpalapad ug pagpapaspas sa vaccine rollout sa Dakbayan, karong ginaapas pa sa lokal nga panggamhanan ang 1.2 million vaccinated individuals aron makab-ot ang herd immunity.
Gihatagan usab og priority numbers ang mga naka-preregister na aron Sumala ni Barangay Communal Captain Mark Galvez nga anaa pa sa 50 percent sa iyang mga constituent ang nabakunahan na sanglit kasagaran sa mga mamumuyo sa ilang barangay mga overseas Filipino workers nga nagapaabot sa gi-require nga brand sa COVID-19 vaccine alang kanila.
Dugang niya, dakong tabang kini aron nga masulbad ang pagkaklasipika sa ilang barangay isip High Risk Barangay sa makapila nang higayon.
Pahayag ni Barangay Communal Captain Mark Galvez.
Sa pikas bahin, gikumpirma usab ni Davao City COVID-19 Task Force Spokesperson Dr. Michelle Schlosser nga ipahigayon usab ang mobile vaccination program sa Konseho ngadto sa daghanan pang mga barangay sa Dakbayan.
