DAVAO CITY – Mikabat sa 94 ka mga pinutol nga kahoy ug stockpiled illegal logs, flitches ug lumber nga tugbang sa 46.50 cum ug mokantidad ug P690, 042.15 thousand pesos ang narekober sa DENR-XI sulod sa mga area sa Region XI ug XIII sa Brgy. Datu Davao, Laak, Davao De Oro ug Brgy. Kapda, Loreto, Agusan Del Sur partikular na sa Kms. 13, 15, 17, ug 21.
Sagad sa mga pinutol nga mga kahoy ang Deptirocarp species partikular na ang Lauan ug Bagtikan nga kasamtangang kalakip sa Critically Endangered gumikan sa taas nga demand niini.
Sagad sab sumala pa kini nga ginahimo nga furniture ug construction materials.
Subay sa Enforcement Division report sa nahisgutan nga ahensiya, ang mga gi-abandona nga mga forest products ang nadiskobrehan nga nagkatag sulod sa inner areas apan makita na kini sa mga highway. Gilayon sab sumala pa nga nakasibat ang mga posibleng mipaluyo niini.
Gikanayong ang Illegal cutting, transportation ug possession sa mga pinutol nga kahoy gikan sa kalasangan, ang mamahimong pahamtangan ug silot nga kalapasan sa PD 705 o Revised Forest Code of the Philippines.
Sa higayon nga mapamatud-an sa salaud nga nahimo, mamahimong mabilanggo kini sulod sa pipila ka mga katuigan.
Hugtanon sab karon nga nakiglambigit sa Joint Inter-Regional Task Force ang DENR-XI ingon man sa ilang mga counterpart sa Region XIII aron nga mapahugtan pa nila ang ilang law enforcement, surveillance ug monitoring efforts sa nahisgutan nga mga areas.
