DAVAO CITY – Nagpagula na usab og bag-ong Barangay Risk Classification List ang Davao City LGU alang sa kasamtangang semana. 16 na karon ang nalista isip Critical Risk Barangays.
Gilangkuban kini sa Barangays 3-A, 32-D, 33-D, 34-D, 40-D, Binugao, Buda, Cadalian, Calinan Proper, Eden, Langub, Magtuod, Manuel Guianga, Marapangi, Talomo River (Calinan), ug Tibuloy.
Mikabat sa 49 usab ka mga Barangay sa Dakbayan ang gilista isip High Risk Barangays.
Anaa sa 18 ka Barangay ang High Risk Barangays in close proximity to Critical Risk Barangays, 35 ka mga barangay ang anaa sa Moderate Risk classification, samtang 21 ang Moderate Risk Barangays in close proximity to High Risk Barangays.
Samtang, ang nahibiling 43 ka mga barangay ang gilista isip Low and Minimal Risk Baranggays.
Mulungtad hangtod Setyembre 4 ang kasamtangang Barangay Risk Classifications sa Dakbayan sa Davao.
Subling nagpahimangno ang lokal nga panggamhanan nga magpabakuna na batok COVID-19, ug likayan usa ang mga dili mahinungdanong mga lakaw sanglit adunay hulga sa Alpha, Beta, Gamma, ug Delta variants sa kasamtangan.
