DAVAO CITY – Gilauman nga ang satellite facility sa University of the Philippines – Philippine Genome Center (UP-PGC) nga nahimutang sa UP Mindanao Campus sa Dakbayan sa Davao ang mamahimo nang makabuhat og whole genome sequencing sa pag-detect sa COVID-19 variants.
Kini human naaprubahan na ang 295/7 million peso budget alang sa operasyon sa mga satellite facility sa Kabisay-an ug sa Mindanao.
Gibutyag ni Department of Health Undersecretary Maria Rosario Vergeire nga laraw nilang palapdan ang kapasidad sa genome sequencing sanglit anaa sa 75- samples matag semana ang kapasidad sa UP-PGC.
Sa higayong hingpit nga mahimong operational ang Visayas ug Mindanao facilities, makaproseso kini og 350 samples per week matag usa.
Dungan sa pagdoble sa output PGC Diliman, muresulta sa 2,200 samples per week ang kaya nga maproseso sa buhatan.
Laraw usab sa pagpakusog sa kakayahon sa PGC ang biosurveillance dili lang sa kasamtangang pandemya, kung dili lakip na ang mga mahitabong outbreak sa mga muabutay pa nga panahon.
Sa kasamtangan, ginagamit ang pasilidad alang sa pagmonitor sa variants of concern sama sa mas makatakod nga Delta variant sa COVID-19 ug sa variants of interest sama sa Lambda Variant nga na-detect na dinhi sa Pilipinas.
