DAVAO CITY – Mihatag ug katin-awan si Davao City Mayor Inday Sara Duterte-Carpio nga wala sumala pa siyay gibati nga kalagot kang Senator Christopher “Bong” Go kalabot sa relasyon sa iyang amahan nga si Pangulong Rodrigo Duterte.
Nagpagula ug pahayag si Mayor Inday isip tubag sa gipagula nga artikulo sa politics.com.ph, usa ka blog kalabot sa Philippine politics, nga adunay titulo nga “All gloves off! Sara v Bong Go/Honeylet nga usa sumala pa ka proxy sa bangi tali sa first ug second family.
Kalakip sab sa artikulo ang gikanayong bangi sa mag-igsuon nga Duterte batok kang Go nga dugay ng gatekeeper sa Pangulo sukad nga Mayor pa kini sa siyudad.
Apan hugtanon nga gipanghimakak ni Mayor Inday nga aduna silay bangi ni Bong Go.
Gitawag sab nila ang nahisgutan nga artikulo nga mabaw o (shallow).” Gibutyag sab ni Mayor Inday nga dili siya mohimo ug last-minute decision kung mokandidato sa pagka-pangulo dili sama sa iyang amahan kaniadtong 2015.
Gitataw sab ni Go nga nakighinabi na siya sa Mayor ug gikanayon sab niini nga wala silay isyu sa usag-usa.
