DAVAO CITY – Gikumpirma karon sa ahensiya sa Department of Health (DOH)-Davao nga walo sa 13 ka mga kaso sa Delta variant nga natala sa Davao Region ang “unvaccinated,” o wala pa nabakunahan.
Una ng gibutyag ni Dr. Raquel D. Montejo, chief of the Local Health Support Division sa DOH-Davao nga tulo sab sa delta cases ang fully vaccinated samtang duruha ang nakadawat ug unang dose ayha natakdan sa infection.
Gikanayong ang “fully-vaccinated” Delta cases ang kabahin sumala pa sa 238 breakthrough infections sa rehiyon o indibidwal nga natakdan ug infection bisan nga nakadawat sila ug full doses sa anti-COVID-19 vaccines.
Subay sa datus, 437 ka mga indibidwal ang natakdan human nga nabakunahan ug first dose. Kinatibuk-ang 1,057,892 ka mga indibidwal sab sa rehiyon ang nakadawat na sa ilang first dose.
Tungod niini, gi-awhag ni Montejo ang publiko nga magpabakuna batok Covid-19 ug pabilin nga mo-obserba sa minimum health standards sama sa Social distancing, maghugas ug kamut ingon man magsuot ug face mask ug face shield.
Subli sab nga gipasabot niini nga dako pa gihapon ang tsansa nga ma-infect ang mga nahisgutan bisan nga nakapailalom na ang mga nahisgutan sa full doses sa bakuna.
Una ng gika-alarma ni Dr. Arnel Florendo, head sa Tagum City Health Office ang nagkataas nga kaso sa Delta sa Tagum City diin ang unang kaso natala kaniadtong milabay nga Hulyo 25, 2021.
