DAVAO CITY – Magpadayon na karon ang gipahigayon nga pagbakuna dinhi sa dakbayan sa Davao human nga miabot na sab kagahapong adlawa ang dugang pa nga supply sa Pfizer-BioNTech vaccine.
Kahinumduman nga diretso gilayon nga gidala sa cold storage facility sa Department of Health (DOH)-11 ang 102,960 doses sa Pfizer vaccine nga gisakay sa Philippine Airlines flight PR 1813.
Tungod niini padayon karon ang panawagan sa ahensiya ngadto sa publiko nga paghimuslan ang pagpabakuna ug moadto sa gitakda nga schedule.
Base sa datos sa Davao region, anaa na sa 1,927,480 doses sa COVID-19 vaccines ang nadawat karon sa Davao Region.
Prayoridad sa nahisgutan nga bakuna ang mga lugar sa nasod nga taas ang kaso sa covid-19.
Nasayran nga anaa sa Tig-102,960 ang gitagana alang sa dakbayan sa Davao ingon man sa Cebu nga taas sab ang kaso sa nga natakdan sa virus.
