DAVAO CITY – Padayon ang panawagan sa ahensiya sa City Transport and Traffic Management Office (CTTMO) ngadto sa mga driver nga pahimuslan ang padayon nga pagbakuna sa transport sector sulod karong bulan sa Agosto.
Una ng gibutyag ni CTTMO head Dionesio Abude nga sukad sumala pa kaniadtong Agosto 2, 2021 mikabat na sa kapin usa ka libo na ang nakadawat sa ilang second dose sa bakuna.
Samtang sukad nga gisugdan ang pagbakuna sa transport sector sa Agro, mikabat na sa 10,000 ang ilang nabakunahan.
Nasayran nga molungtad ang pagbakuna sa second dose karong Agosto 22,2021.
Gipahimangnoan sab sa ahensiya kadtong mga mipailalom sa unang dose sa mobile vaccination nga moadto lamang gihapon sa venue sa higayon nga modawat na ang mga nahisgutan sa ikaduhang dose sa bakuna.
