DAVAO CITY – Gihan-ay na karon sa lokal nga kagamhanan partikular na sa Davao City COVID-19 Task Force ang pagtukod ug temporary treatment monitoring facility (TTMF) alang sa moderate coronavirus cases.
Kahinumduman nga una ng gibutyag ni Davao City Mayor Inday Sara Duterte-Carpio nga kinahanglan nga mo-abli ug lain nga TTMF alang sa moderate cases kini aron nga ma-unclog ang ihap sa mga pasyente nga anaa sa mga hospitals.
Tipik lamang kini human nga namatikdan nga adunay mga covid patients ang naghulat sa gawas sa mga balay tambalanan gumikan sa non-availability sa mga beds.
Gitino ni Mayor Inday nga kadtong kritikal ang kondisyon ang kinahanglan hatagan ug hinanali nga atensiyon sa balay tambalanan.
Sa kasamtangan, ang TTMFs sa siyudad ang adunay kinatibuk-ang kapasidad nga 2,642 beds.
Sa nahisgutanb nga ihap, 2,186 ang gigamit alang sa isolation u gang siyudad nangandam na sab ug dugang 250 beds aron nga mo-cater ug COVID patients.
