DAVAO CITY – Gibarugan karon ni Davao City Mayor Inday Sara Duterte-Carpio nga wala na niya nakita nga magpatuman ug lain pa nga hugna sa Enhanced Community Quarantine (ECQ) status ang dakbayan.
Wala sumala pa nagrekomenda niini ang Inter-Agency Task Force (IATF) dungan usab sa rekomendasyon sa IATF nga ipailalom ang NCR Plus (Metro Manila plus Cavite, Rizal, Bulacan, Laguna) ilalom sa ECQ sugod August 6 to 20, 2021 gumikan sa surge sa Covid-19 cases.
Apan luyo niini, nagpahimangno ang Mayor sa mga Dabawenyo nga mangandam gumikan kay walay nasayud nga posibleng mahitabo sa siyudad ang gidangatan sa NCR kini tungod usab sa presensiya sa tibuok kalibutan.
Subli sab nga gibutyag sa Mayor nga kanunayon ang pagtamud sa minimum public health standards ug protocols aron nga makalikay sa bisan unsa man nga klase sa variant.
Mas maayo sumala pa nga padayon ang compliance uban ang minimum public health standards.
