DAVAO CITY – Bisan tuod nga aduna nay natala nga unang kaso sa Delta variant sa dakbayan sa Davao, gibutyag ni Davao City Mayor Inday Sara Duterte-Carpio nga magpabilin ang siyudad sa pagtamud sa National Action plan.
Gikanayon sa Mayor nga pabilin nga ipahigayon nga test, trace, isolate o pagtambal kung gikinahanglan nga dad-on sa hospital.
Sa kasamtangan mihimo na matud pa ug mga lakang ang Department of Health (DOH) sama sa pagsubay kung asa nanukad ang kaso, hinanali nga contact tracing ug pagpalig-on sa detection aron nga masiguro ang hinanali nga isolation ug quarantine.
Pabilin sab ang pagpatuman sa security measures sa mga utlanan sa siyudad.
Kinahanglan sab nga pahugtan karon ang screening sa mga sintomas ingon man random checking sa mga biyahedor.
Gitino sab sa Mayor nga wala sumala pa siya mihangyo ug hugtanon nga community quarantine status ngadto sa IATF.
Samtang magpahigayon sumala pa ang Davao City Epidemiology Surveillance and Disaster Response Unit sa City Health Office ug reinvestigation, repeat testing, ug isolation kaabag ang Department of Health Davao Region ngadto sa third generation contacts sa nahisgutan nga kaso.
Nagpahigayon na sab sumala pa karon ang DOH ug tigum kalabot sa maong kaso ug gihatagan na sab ug instructions kung paunsa ang himuon nga COVID response.
