-- ADVERTISEMENT --
DAVAO CITY – Gipasalig sa bag-ong regional director sa Philippine Drug Enforcement Agency (PDEA) nga si Director III Aileen Lovitos nga mas palig-onon pa niini ang ilang han-ay ug pakusgan ang pagbatok sa illegal nga druga sa Davao region.
Una ng gibutyag ni Lovitos nga dili na bag-o kaniya ang rehiyon gumikan kay nadestino na sab siya dinhi kaniadto isip agent hangtud nga nabalhin sa Caraga isip Regional Director.
Hulipan sa nahisgutan si outgoing PDEA regional director Antonio Rivera.
Sumala kang Lovitos nga kabahin sa marching order sa ahensiya mao ang paggukod sa mga nalambigit sa ginadili nga druga hinungdan nga kinahanglan pabilin nga alerto ug nakatutok sila sa susama nga mga aktibidad nga nag-unang suliran sa katilingban.
