DAVAO CITY – Sugdan na karong adlawa ang mobile vaccination sa transport sector ning siyudad diin himuon kini sa Calinan Gym. Una ng gibutyag ni City Transport and Traffic Management Office (CTTMO) head Dionesio Abude nga tumong niini nga dili na malisdan ang mga driver nga moadto sa downtown area partikular na sa may Agro nga nagsilbing vaccination site sa transport sector.
Nagpadayag sab ug pagpasalamat ang mga driver nga nanimuyo sa Calinan sanglit dili na sila malisdan ug duol na lamang kini sa ilang lugar.
Nakahan-ay na sab ang mga lingkuranan ingon man ang mga freezer diin temporaryo nga ipahimutang ang mga bakuna.
Una na sab nga nasayran kang abude nga anaa sa 1,000 ka doses sa bakuna ang gigahin alang sa nahisgutan nga dapit.
Plano sab dayon nga isunod sa CTTMO ang Toril area nga layo sab sa downtown ingon man ang Bunawan district.
