DAVAO CITY – Gikumpirma mismo ni Davao City Mayor Inday Sara Duterte-Carpio nga nagpositibo sa covid-19 ang iyang igsuon nga si Vice Mayor Sebastian “Baste” Duterte. Sa iyang official facebook page gikanayon sa alkalde nga natakdan ang iyang igsuon sa virus hinungdan nga nagpahulay ug naka-isolate kini sa kasamtangan.
Kini sab sumala pa ang hinungdan nga nagpahigayon sila ug “online kamustahan” sa ilang pamilta diin makita sa video call sila si Pangulong Rodrigo Duterte, inahan niini nga si Elizabeth Zimmerman ug ang igsuon niini nga si Davao City First District Rep. Paolo Duterte.
Kahinumduman nga daghanang mga opisina sa lokal nga kagamhanan ang gipailalom sa lockdown tungod sa kaso sa Covid-19 diin kalakip niini ang Sangguniang Panlungsod ug City Hall.
Kahinumduman nga kanunay ang panawagan ni Mayor Inday sa publiko nga pabilin nga motamud sa public health protocols aron nga mapugngan ang padayon nga kaso sa Covid-19 sa siyudad.
