DAVAO CITY – Midangop sa sibyaanan sa Bombo Radyo Davao ang usa ka concerned teacher kalabot sa wala pag-atiman kanila human sila ma-expose sa COVID-19.
Sumala pa niya, na-expose sila sa maong virus atol sa shooting alang sa pagahimuong virtual graduation nga gipahigayon nila mismo sa Daniel R. Aguinaldo National High School.
Dugang niya, human makumpirma sa ilang school nurse niadtong Hulyo 15 nga adunay nag-positive nga isa sa lapas 40 ka mga magtutudlo ang nagpositibo, ug iya dayong gipahibalo kini sa admin sa maong tunghaan.
Gipasaligan siya nga i-update niya ang mga magtutudlo, apan milabay ang pila ka adlaw, wala kini gibuhat. Niadtong adlawng Dominggo lang gipailawom ang lockdown sa tunghaan alang sa disinfection.
Sa dihang adunay gipahigayon nga usa ka retirement party alang sa usa ka dakong opisyal sa DepEd XI sa adlaw mismo nga gi-lockdown kini.
Gikakurat sa mga magtutudlo ang maong panghitabo kay aduna pa daw panahon alang mag-party ang ilang admin samtang sila nangalisang na tungod wala sila tagdi sa mga nagadumala sa eskwelahan taliwala sa pagkahimutang sa Intensive Care Unit sa SPMC sa usa nila ka kaubanan ug sa pagkasinati sab og sintomas sa COVID-19 sa ubay-ubay pang magtutudlo.
Una na silang nangayo og transportasyon padulong sa Crocodile Park Swab Center, apan ang ilang admin sige og hisgot nga buhatan sa og proposal ang maong pagpangayo og assitance.
Padayon ang ilang pag-message sa ilang principal kabahin sa uban pang concerns kalabot niini sa ilang group chat, apan nag-leave kini.
Paglantaw sa mga magtutudlo, gibiyaan sila sa kawanangan sa mga nagdumala sa DRANHS.
Karong adlawa usab naka-schedule ang ilang swab test, karong gikonsidera silang F1 close contacts sa ila usab kaubanan nga ginatambalan pa sa SPMC.
Wala pay pamahayag ang mga nagapangulo sa DRANHS ug ang DepEd XI kalabot sa maong hisgutanan.
