DAVAO CITY – Gikanayon ni Department of Tourism Region XI Director Tanya Rabat-Tan nga mukabat ngadto sa kapin 23 thousand ka tourism workers ang nakakuha na og financial assistance gikan sa gobyerno karong panahon sa COVID-19 pandemic.
P118 million pesos usab ang kantidad sa gigahin nga pondo ubos sa COVID-19 Adjustment Measures Program kon CAMP alang sa tourism sector sa Davao Region.
Ang matag tourism worker usab nakadawat og 5,000 pesos nga cash assistance ang mga nag-apply sa maong programa, sumala ni Tan pinaagi sa virtual presser sa ahensya.
Ang CAMP usa ka programa sa Department of Labor and Employment nga nagahatag og one-time financial support ngadto sa mga apektadong trabahante sa formal sector tungod sa COVID-19 pandemic.
Kahinumduman nga niadtong May 10, 2021 gihunong ang aplikasyon sa CAMP diin ang pondo nalakip sa Bayanihan 2, nga nag-expire na sa katapusang adlaw sa Hunyo 2021.
