-- ADVERTISEMENT --
DAVAO CITY – Mag-atubang ug kasong Parricide ang usa ka 19 anyos nga lalaki human nga gipatay niini ang iyang buta nga amahan. Nahitabo ang insidente sa Prk 6, Sitio Datalpitak, Brgy. Colonsabac, Matanao, Davao del Sur.
Sa imbestigasyon sa kapulisan, gitambagan lamang sa biktima nga nailang si Dalyanan Lingi, 37-anyos, usa ka buta ang iyang anak nga si Clifford Lingi tungod sa sobra ka hubog niini apan nasuko sumala pa ang suspek ug gidunggab niini ang biktima sa iyang dala nga kutsilyo nga maoy hinungdan sa kamatayon niini.
Grabe ang pagbasol nga gibati sa suspek apan ulahi na ang tanan ug kinahanglan nga atubangon niini ang kaso nga iduso batok kaniya.
Anaa karon sa kustodiya sa Matanao Municipal Police station ang suspetsado.
