DAVAO CITY – Subli na nga ablihan karong adlawa sa lokal nga kagamhanan ang Sta. Ana Health Center, usa sa mga nag-unang swabbing centers sa dakbayan sa Davao human kini temporaryo nga gipasirad-an kaniadtong Hunyo 15, 2021.
Una ng gimando sa siyudad ang temporaryo nga pagsara sa Sta. Ana Health Center sulod sa usa ka semana alang sa gipahigayon nga disinfection ug testing sa uba nga staff nga adunay closed contact (F1) ug gipailalom sa quarantine human nga pipila ka mga swabbers ug staff ang nagpositibo sa Covid-19 atol sa routine test nga gipahigayon sa milabay nga Hunyo 15, 2021.
Gawas sa Sta. Ana Health Center, ang uban nga swabbing areas sa siyuwas ang gilangkuban sa Davao Crocodile Park, nga nagsibiling drive-thru swabbing area ug mo-akomodar ug mga indibidwal nga ilalom sa under surveillance testing, F2 ug F3 o second-generation ingon man third generation contacts nga walay influenza-like illness (ILIs); ug Magsaysay Park nga mamahimong maka-cater ug F2 ingon man F3 contacts, ingon man kadtong nakadawat ug text message gikan sa Safe Davao QR (DQR) system.
Gitataw ni Lopez nga aron malikayan ang paghuot sa swab test centers, gipahimangnoan ang Dabawenyos nga i-classify ang ilang kaugalingon asa mamahimong mo-avail sa swab test.
