DAVAO CITY – Padayon sumala pa karon nga nakatala ang ahensiya sa City Transport and Traffice Management Office (CTTMO) ug mga motorista nga misupak sa kamandoan partikular na kadtong nagababag sa mga bicycle lanes sa siyudad.
Kahinumduman nga ubay-ubay na ka mga agi-anan ug bisikleta ang gibutangan ug mga barrier kini aron masiguro ang kaluwasan sa mga naga-bisikleta.
Apan base sa gihimong pagpanubay sa ahensiya, pipila pa gihapon nga mga sakyanan ang mobabag niini ug gani aduna uban usab ang nagaparada sa mga bicycle lanes.
Tungod niini, nagpahimangno ni CTTMO head Dionesio Abude sa mga motorista nga kinahanglan motamud sa balaud aron nga dili madakpan ug mapahamtangan ug multa.
Sa ulahing datus nga natala sa ahensiya, mikabat na matud pa karon sa 173 ka mga bike lane violators ang ilang na-isyuhan ug citation ticket. Nasayran nga anaa sa P500 nga multa ang kinahanglan nga bayaran sa mga nahisgutan.
