DAVAO CITY – Padayon gihapon ang blended learning alang sa umaabot na school year 2021-2022.
Gibutyag kini sa tigpamaba sa DepEd Region XI Jenielito Dodong Atillo sa iyang pakighinabi sa Bombo Radyo Davao.
Sumala niya, ilang gituman ang direktiba sa Presidente tungod padayon ang pagkatap sa mga mas-isog nga COVID-19 variants sa kalibutan.
Samtang sa pikas bahin gukdon usab sa DepEd ang mga magpagula og mali nga impormasyon mahitungod sa mga kasayupan kuno sa mga modules nga ginagamit karon sa blended learning.
Kahinumduman nga nag-viral sa social media ang mga hulagway nga nagpakita kuno og pakyas nga content sa mga learning modules, ug kini nahimong hinungdan nga gibukbok og kritisismo ang maong buhatan.
Apan, giklaro ni Atillo nga ma-rectify dayon ang errors sa modules kon gi-produce gayod kini mismo sa buhatan, ug posibleng mugna-mugna ra ang ubang content errors nga gakatag sa social media.
