DAVAO CITY – Gikumpirma sa Department of health 11 nga nakasulod na sa davao region ang duha ka covid 19 variants nga gikonsederang variants of concerned nga gilangkuban sa alpha ug beta.
Kini ang subay sa labing ulahi nga genome sequencing report sa DOH 11. Pinasikad sa data sa DOH 11 nataptan sa B117 o alpha variant nga unang na-detect sa United kingdom ang 3 ka mga pasyente sa davao region.
Ang mga nahisgutan ang gilangkuban sa 2 nga taga dakbayan sa dabaw nga usaka 31 anyos nga lalaki ug usaka 19 anyos nga babaye nga pulos mga asymptomatic ug naka-recover na karong panahona.
Samtang ang usa ang usaka 38 anyos nga lalaki nga taga davao del norte ug usaka asymptomatic apan kasamtangang naa pa sa isolation facility sa maong probensiya.
Samtang, 11 usab ka mga pasyente ang natakdan sa B1351 o beta variant nga unang nadetect sa south Africa.
Lima sa nahisgutang ihap ang mga taga dakbayan sa dabaw nga pulos naka-recover na, samtang taga davao del norte usab ang umo niini, diin 3 ang na-discharge na samtang ang 3 nagpabilin pang mga active cases.
Tungod niini, prayuridad sa covid 19 testing ang tanang mga nailhang close contact ug gipa-ilalom na usab sa isitriktong 14 day quarantine ang tanang mga nahimong F1 contact sa nahisgutang mga pasyente bisan ug nag negatibo sila sa swab test.
Nasuta usab nga wala maggikan sa laing nasud ug dili mag-paryente ang mga pasyente sa bag-ong variant sa covid 19.
