DAVAO CITY – Gibutyag ni Mayor Inday Sara Duterte-Carpio nga adunay tulo ka major reasons ang gitudlo karon sa mga health authorities nga maoy hinungdan sa pagdagsang sa kaso sa Covid-19 sa syudad.
Usa na niini mao ang wala pagtamod sa minimum health standards, daghang mga tawo ang naga-gawas sa ilang mga panimalay, ug ang posibilidad nga adunay highly infectious variants sa syudad.
Giklaro sab sa mayor nga dako ang posiblilidad nga matakdan sa virus ang usa ka tao ingon man makatakud sa uban kung sagonsonon niini ang pag-gawas sa balay bisan og dili mahinungdanon ang tuyo niini sa gawas.
Luyo niini, pagahisgutan pa sa Covid-19 Task Force ang subling paggamit sa Food and Medicine Pass.
Gikumpirma sa Mayor nga anaa na sa 453 ka mga panimalay, 18 ka mga gambalay, 6 ka mga compound, ug usa ka tulonghaan ang gipanglockdown gumikan sa taas nga kaso sa Covid-19.
Sa gipagulang report sa Department of Health Davao region as of June 21, 2021 (5pm) nakatala ang syudad sa Dabaw og dugang 291 ka mga bag-ong kaso diin mihatod sa 4,681 nga kinatibuk-ang ihap sa aktibong kaso sa virus sa syudad. (with reports from Bombo Toni Jumamil)
