DAVAO CITY – Nangandam na ang Bureau of Fire Protection (BFP 11) ug Police Regional Office (PRO 11) sa ipadalang dugang nga mga nursing ug medical staff aron nga mag-augment og mga personahe sa Southern Philippines Medical Center (SPMC), nga kasamtangang napuno na og mga pasyente sa Covid-19.
Una ng gi-aprubahan sa City Council ilalom sa Suspended Rules ang resolusyon nga mohangyo sa BFP 11 ug PNP PRO 11 aron nga magdeploy og nursing ug medical staff aron mag-augment sa mga panginahanglanon sa SPMC ug private hospitals sa Davao City aron matubag ang nagpadayon nga COVID-19 surge sa siyudad.
Tipik lamang kini human nga mi-apela ang SPMC sa City Council aron nga tabangan sila sa severe staffing issues o kakulangon ug mga personahe.
Mismong si Dr. Ricardo Audan, head sa SPMC ang mihangyo sa PNP, Armed Forces of the Philippines (AFP), ug BFP nga magpadala sa ilang mga sakop sanglit nagkulang na ang medical staff sa SPMC.
