DAVAO CITY – Subling gipahimangnoan sa City Disaster Risk Reduction and Management Office (CDDRMO) ang mga residente sa dakbayan sa Davao nga nanimuyo sa mga lugar nga delikado sa pagbaha ug pagdahili sa yuta nga kanunay mag-igmat dungan sa pagbundak sa kusog nga ulan karong buntaga.
Sa higayon nga adunay masinatian nga pagsaka sa tubig, mas maayo sumala pa nga dili na lamang hulaton nga i-rescue inay manguna na kini paghikling aron nga dili mabutang sa risgo ang kinabuhi.
Una ng nagpahimangno ang ahensiya sa Pag-asa Davao nga masinatian na karon sa nasod ang rainy season hinungdan nga laoman pa ang mga pag-ulan sulod sa pipila ka mga bulan.
Sa milabay lamang nga gabie, nakasinate ug pagbaha ang mga lugar sa Buhangin, Bunawan ug Agdao ingon man adunay natala usab nga mga street flooding.
Gawas sa siyudad apektado sab karon sa Monsoon Trough ang pipila ka mga lugar sa Mindanao.
