DAVAO CITY – Pipila ka buhatan sa Municipal Hall sa Monkayo, Davao de oro ang gi suspended sugod kagahapong adlawa, Hunyo 9, 2021.
Lakip sa mga temporaryo nga gisuspinde mao ang Municipal Vice Mayor’s Office, Public Employment and Services Office / CTEC, Office of the Secretary to the Sanggunian & Sangguniang Bayan Office, Municipal Treasurer’s Office, Municipal Assessor’s Office, Municipal Agriculture Office, Municipal Civil Registrar’s Office, Municipal Engineer’s Office, Permits & Licensing Unit, Municipal Environment & Natural Resources Office ug Economic Enterprise and Management Office.
Subay kini sa gihimong massive disenfection sa buhatan gumikan sa pag taas sa ihap sa mga nag positibo sa covid-19.
Magpatuman og work from home set-up ang tanang empleyado sa buhatan subay na sab sa rekomendasyon sa Local Task Force against covid-19. Tungod niini, suspendido una ang pagdawat og trasaksyon sa publiko.
Gilaomang mobalik ang operasyon sa mga nasampit nga mga buhatan karong Lunes, Hunyo 14, 2021.
