Pipila ka mga barangay sa siyudad nakasinate ug pagbaha

DAVAO CITY – Pipila ka mga lugar sa dakbayan ang subli nga nakasinate ug mga pagbaha human nga mibundak ang kusog nga pag-ulan kagabie.

Sumala sa City Disaster Risk Reduction and Management Office (CDRRMO) nga pipila ka mga barangay sa siyudad ang nakasinate ug pagbaha ug street flooding hinungdan nga pipila ka mga residente ang apektado.  

Nakasinate ug mga pagbaha ang Barangay San antonio Agdao, Bunawan,  Cabantian Buhangin  ug pipila ka barangay nga duol lamang sa kasapaan.

Gikayon sab nga nagpahigayon ug  rescue operations ang mga volunteers ug responders sa mga na-trap nga mga  residente.

Una ng nagpahinumdom ang  Pag-asa Davao nga nasinatian na karon ang  rainy season hinungdan nga gitambagan niini ang mga nanimuyo sa mga delikadong lugar nga magpabilin nga alerto ug gilayon nga mohikling kung gikinahanglan ilabi na kung mobundak ang kusog nga pag-ulan ug pagbaha.

Ang kusog nga pag-ulan sa lungsod hatud sa  Intertropical Convergence Zone (ITCZ) nga nakaapekto karon sa Mindanao.