DAVAO CITY – Nangandam na karon ang ahensiya sa Department of Labor and Employment in Region 11 (DOLE-11) sa ipahigayon nga virtual Kalayaan Job Fairs sa Hunyo 10 hangtud 19 kini isip kabahin sa 123rd Philippine Independence Day.
Gitambagan sa ahensiya ang mga nangita ug trabaho nga aduna silay schedule sa job fair diin gilangkuban kini sa DOLE-Davao del Norte Field Office (Hunyo 10 hangtud 11), DOLE-Davao City Field Office (June 18), ug DOLE-Davao de Oro Field Office sa June 19.
Ang tema sumala pa karong tuig mao ang 2021 Kalayaan: Online Trabaho, Negosyo, Kabuhayan (TNK) Job and Business Fair diin himuon kini pinaagi sa Zoom video conferencing.
Kaabag sumala pa nila sa ipahigayon nga virtual job fair ang Public Employment Service Office (PESO) sa Panabo City, Davao City, ug munisipalidad sa Maco.
Gipahimangnoan na lamang karon ni DOLE-Davao regional director Ofelia Domingo ang mga jobseekers nga regular nga i-check ang official Facebook page sa DOLE-Davao alang sa kompletong listahan sa mga bakante nga trabaho ug link alang sa online application.
Gitino sab niini nga bugtong ang bugtong shortlisted candidates gikan sa pre-registration ang i-akomodar sa virtual job fairs.
