DAVAO CITY – Nanghinaut karon ang pamunoan sa Southern Philippines Medical Center (SPMC) nga mahatagan gilayon ug katumanan ang ilang hangyo sa konseho ning siyudad nga magbaton ug daghanan pa nga staff aron motabang sa pag-cater sa Covid-19 patients human nga padayon ang pagsaka sa kaso niinio dinhi sa siyudad.
Una ng gibutyag ni SPMC Chief Dr. Ricardo Audan nga ang bed occupancy karon sa balay tambalanan ang anaa na sa critical levels sukad pa sa milabay nga tuig.
Mamahimo sumala pa nila nga mapalapdan ang bed capacity sa ospital apan ang problema lamang nila karon ang staff nga modumala.
Mihangyo na matud pa ang opisyal sa Davao City Government ug Department of Health (DOH) nga mag-redeploy ug nurses gikan sa Philippine National Police (PNP)-Davao ug Bureau of Fire Protection (BFP)-Davao aron nga maakomodar ug ma-assist ang SPMC health workers.
Nakiglambigit na sab sumala pa sila karon sa auxiliary units aron hangyuon ang mga nahisgutan nga i-deploy sab ang ilang uniform personnel sa SPMC.
Kahinumduman nga adunay pipila ka mga medical personnel ang una ng gi-pull out sa ospital sa milabay nga bulan sa Abril gumikan sa low admission sa Covid-19 critical ingon man ang mga severe patients.
