DAVAO CITY – Gitambagan ni Pangulong Rodrigo Duterte si Sen. Manny Pacquiao nga mas maayo sumala pa nga tun-an una niini pag-ayo ang foreign policy human ang nahimong pahayag sa senador kalabot sa nahimong tensiyon sa china ug Pilipinas sa West Philippine Sea (WPS).
Kahinumduman nga una ng gisaway sa Senador ang Pangulo gumikan kay nakulangan kini sa gihimong pagpaningkamut sa administrasyon sa exclusive economic zone rights sa nasud sa West Philippine Sea sukwahi sa nauna sumala pa sa saad sa pangulo kaniadtong milingkod na kini pagka-pangulo sa nasod lima ka tuig na ang milabay.
Matud pa kang Pangulong Duterte nga dili niya buot nga i-degrade si Senator Pacquiao apan kung moluwat kini ug susama nga pahayag, mas maayo matud pa nga tun-an niini ug lalom ang maong hisgutanan.
Apan luyo sa pagpadungog-dungog sa senador, gikanayon sa Pangulo nga pabilin sumala pa sila nga kauban sa partidong PDP-laban.
