DAVAO CITY – Gihatod na kagahapong alas 3 sa hapon sa iyang lubnganan ang mitaliwan nga si Brgy. 9-A kapitan nga Roderico “Tata” Llubit.
Nagpahigayon una ug misa sa assumption Church ayha kini gidala sa San Pedro Memorial diin ubay-ubay ka mga residente ang mihatud sa kapitan sa iyang katapusang higayon.
Mga myembro lang sa pamilya ang nihatod atol sa iyang lubong aron nga masiguro ang strikto nga pagpatuman sa minimum health standard.
Mas mikusog pa karon ang panawagan sa pagpangayo og hustisya sa mga nabiling pamilya sa kapitan labi na ang kapikas niini nga Mary Grace Fuentes.
Sa kasamtangan wala pay matumbok nga suspek ang special investigation task group kung si kinsa ang mipaluyo sa kamatayon sa kapitan.
Padayon sumala pa ang pagpangaylap og ebidensya o impormasyon nga makahatag og tubag sa maong krimen.
