DAVAO CITY – Gipasalig sa ahensiya sa Bureau of Customs (BOC)-Port of Davao nga nangandam na sab sila karon sa alang sa direct importation sa coronavirus disease (Covid-19) vaccines sa siyudad.
Sa kasamtangan nakiglambigit na matud pa ang ahensiya sa Department of Health Region 11 (DOH-11) alang sa ipahigayon nga inter-agency online meeting kalabot sa importation process sa bakuna.
Sumala pa kang BOC-Davao Covid-19 Taskforce District Collector Lawyer Erastus Sandino Austria plani nila nga mapadali ang pag-release sa mga moabot nga bakuna ug malikayan ang pag-delay sa clearance sa Covid-19 vaccines.
Kahinumduman nga nakiglambigit sab ang BOC-Davao pinaagi sa pagsalmut sa meeting sa Assessment and Operations Coordinating Group (AOCG), DOH, ug BOC Ninoy Aquino International Airport (NAIA) pinaagi sa online teleconference.
