DAVAO CITY – Kasamtangan nga gipailalom karon sa lockdown ang ascension of the Lord parish nga nahimutang sa GSIS Heights Matina, Davao City human nga gikumpirma mismo kini ni Barangay kapitan sa 74-a Matina Crossing Kapitan Joel Santes.
Sumala pa sa kapitan nga nagpositibo sa covid-19 ang usa ka staff sa simbahan human nga daghanan kini ug nakahimamat nga mga manimbahay.
Sa gipahigayon nga contact tracing , nasubay nga adunay mga miyembro usab sa pamilya niini ang kalakip sa mga nagpositibo karon sa Covid-19 hinungdan nga kalakip ang ilang panimalay sa gipailalom karon sa lockdown.
Hinuon adunay pipila ka mga aktibidad sa Ascension of the Lord Parish ang wala nabalda sama sa pagpahigayon ug santos nga misa pinaago sa online.
Hugtanon sab karon ang gihimong lakang aron mapatuman lamang ang standard operating procedure sa pag-atiman sa mga natakdan sa virus. Lauman sab nga sa mosunod nga semana, subling ipadayon ang operasyon sa simbahan.
