-- ADVERTISEMENT --
DAVAO CITY -Gibutyag ni Dr. Ashley Lopez, OIC head sa City Health Office (CHO) nga nakasinate na karon ang dakbayan sa Davao ug second wave sa pagtaas sa kaso sa Covid-19.
Una ng gibutyag sa opisyal nga anaa sa pre-surge ang siyudad human nga ubay-ubay na sab ang natalang nagpositibo sa makamatay nga kagaw.
Una ng nasayran sa Southern Philippines Medical Center (SPMC) nga anaa sa 100 percent occupancy rate sa ICU beds samtang 86.99 percent usab ward beds.
Kini ang hinungdan nga gibalik karon ni Mayor Sara Duterte Carpio ang pag-abli sa mga naka-stand by nga mga Temporary Treatment and Monitoring Facilities (TTMF) sa siyudad aron nga ma-akomodar ang posibleng pagsaka pa sa kaso sa Covid-19 sa dakbayan.
