DAVAO CITY – Nagpahinumdom karon ang kapulisan nga kanunay mag-igmat aron nga malikayan ang disgrasya. Kini adunay kalabutan sa ulahing panghitabo diin aksidenteng nahulog gikan sa ikatulong andanas ang usa ka Call center agent trainee nga maoy hinungdan sa iyang kamatayon.
Sa inisyal nga imbestigasyon sa otoridad, anaa sa iyang breaktime ang biktima nga nailang si Kevin Perez Gallanero 37 anyos, residente sa Brgy. 39-D Trading Boulevard ning dakbayan ug trainee sa Konektors Technologies Incorporated, dihang nahagbong kini gikan sa ikatulong andanas sa gambalay.
Gikanayong nabuy-an niini ang iyang gihuptan nga sigarilyo samtang anaa kini sa smoking area sa gambalay ug iya kining gigukod apan nadiretso kini ug kahagbong.
Dali pa nga miresponde sa lugar ang mga personahe sa Central 911 aron pagluwas sa biktima apan nakutloan gihapon kini sa iyang kinabuhi human ang kapin usa ka oras nga pagtabang niini sa Southern Philippines Medical Center (SPMC).
