-- ADVERTISEMENT --
DAVAO CITY – Hingpit na gi-ablihan ang ika-18 nga vaccination site dinhi sa dakbayan sa Davao nga mao ang Davao City National High School (DCHS) kagahapong kini aron nga mapadali pa ang serbisyo sa mga residente dinhi sa siyudad ilabi na karon nga nagpadayon ang pagbakuna sa mga senior citizen.
Kahinumduman nga una ng gibutyag ni Dr. Ashley Lopez, OIC sa City Health Office (CHO) nga dungagan nila ang ihap sa mga vaccination site sa dakbayan kini aron nga mas daghanan ang ilang maakomodar ug maangkon ang target matag adlaw.
Una ng gibutyag sa head sa vaccination program sa dakbayan sa Davao nga si Dr. Anabelle Yumang nga karong adlawa dugang pa nga vaccination site ang ablihan nga nahimutang sa Marilog ug Paquibato ning dakbayan.
