DAVAO CITY – Sa pinaka-unang higayon, hingpit na nga gi-ablihan sa R-PSB sa Davao Occidental ang IP School.
Dili masukod ang kalipay nga gibato sa mga ginikanan sa daghanang mga kabataan nga gilangkuban sa mga katutubong Tagakaulo gumikan kay hingpit na nga gi-ablihan ug gi-turn over ang Kidalagan IP School building nag gitukod sa Revitalized-Pulis sa Barangay Datu Danwata sa pagpanguna ni PLT GINA F LIBANAN, R-PSB Team Leader sa Purok Kidalagan, Sitio Kamugna, Barangay Datu Danwata, Malita, Davao Occidental.
Gikanayong kapin tulo ka bulan ang gigahin sa R-PSB Datu Danwata aron nga matapos ang nahisgutan nga tulonghaan.
Hinungdan nga sa gipahigayin nga turn-over niini sa mga sakop sa Department of Education ug mga residente sa Sitio Kidalagan, nabati sa matag usa ang maayo nga sakripisyo, kahago ug kalisud sa mga mitabang ilabi na ang mga sakop sa R-PSB nga nanguna sa pagkab-ot ug pagutkod sa nahisgutan nga tulonghaan.
Ang Kidalagan IP School gilangkuban sa tulo ka mga tulonghaan nga gama sa lig-on nga mga kahoy nga siguradong molungtad ug taas-taas nga panahon.
