DAVAO CITY – Subling nagpahimangno ang otoridad ngadto sa mga nalambigit sa illegal nga binuhatan nga dili mopakita ug pagsukol.
Tipik lamang kini human nga patay ang usa ka lalaki atol sa gilusad nga buy bust operation human nga misulay pagsukol sa otoridad.
Gilusad sa mga personahe sa San Pedro Police Station Drug Enforcement Team (SDET) ang operasyon sa Purok 7, Magallanes, Brgy., 2-A ning dakbayan human nga nakadawat ug impormasyon nga naghitak ang pagpabaligya ug druga sa usa ka JOHN PAUL CASIÑO HIOCA alyas “JAN-JAN”, 37 anyos, ulitawo, laborer ug residente sa nahisgutan nga dapit.
Gikanayong napalitan ang suspek usa ka pakete sa ginadili nga druga bugti sa P1,000.00 apan dihang dakpan na kini sa otoridad, mipakita sumala pa kini ug pagsukol pinaagi sa pagbunlot sa ilang armas ug gipabuthan ang otoridad apan nabalsan kini ug napulisan sulod sa pipila ka higayon.
Miresponde sab sa lugar ang ambulansiya sa Central 911 ug dali nga gitabang ang suspek apan gideklara kining dead on arrival.
Narekober samga personahe sa SOCO sa crime scene ang usa ka .38 Black Widow revolver nga adunay upat kamga bala ug usa ka fired cartridge; duruha ka .9mm fired cartridge case; usa ka pakete sa ginadili nga druga nga kantidad sa P1,000.00; laing pakete sa illegal nga drugs nga kantidad sa P1,000.00; Pinaugang dahon sa marijuana nga kantidad sa P2,000.00; laing pakete sa marijuana nga kantidad sa P1,000.00; usa ka drug container ug kuwarta nga P67.00.
Gikustodiya na karon ang mga Buy-bust item sa RCLO-11 ingon man mga non- drug evidences. Gidala sab dayon ang patay’ng lawas sa suspek sa usa ka lokal nga punerarya sa dakbayan.
