DAVAO CITY – Mamahimong 20 na ang kinatibuk-ang ihap sa mga vaccination sites sa dakbayan sa Dabaw.
Kini human siyam ka lain pang mga bag-ong mga vaccination sites ang idugang sa lokal nga kagamhanan aron maatiman ang mga buot nang magpabakuna batok covid 19.
Gikanayon ni Dr Ashley Lopez, ang head sa city health office sa dakbayan sa Dabaw nga dili pa apil sa nahisgutang ihap ang 7 ka mga ospital sa dakbayan sa dabaw nga gitahasan nga modumala sa covid 19 vaccine nga Pfizer.
Target sumala pa sa CHO nga mabakunahan ang 500 hangtud 700 ka mga tawo matag adlaw hinungdan nga gidungagan pa ang mga vaccination sites sa nagkadaiyang mga distrito dinhi sa dakbayan.
Sa pikas bahin, gisuportahan usab sa health sector sa syudad ang sugyot nga himuong vaccinator ang mga dentist ug mga medical technologist alang sa nagpadayong immunizxation program sa kagamhanan.
