DAVAO CITY – Naghulat na lamang karon sa mosunod nga kamandoan sa korte ang usa ka babaye nga una ng gisikop sa mga personahe sa Sta. Cruz Municipal Police Station human nga nakuhaan kini ug flag nga iya sa rebeldeng grupo.
Gawas niini, nakuhaan sab ang nahisgutan ug revolver.
Una niini, gilusad ang operasyon sa mga personahe sa kapulisan ingon man militar nga maoy hinungdan sa malampuson nga pagkasikop sa usa ka alyas “Madam Chery” residente sa Sitio Luceba, Barangay Zone-1,Santa Cruz, Davao del Sur.
Narekober sa nahisgutan ang revolver ug flag nga adunay marka nga NDF.
Gipatuman sa otoridad ang search warrant nga gipagula ni Executive Judge Carmelita Sarno Davin sa RTC Branch 19 sa Digos City.
Nasayran nga adunay nakasulat nga Bagong Hukbong Bayan ang flag nga narekober gikan sa dinakpan. Anaa karon sa Santa Cruz Municipal Police Station ang dinakpan alang sa tukma nga disposisyon.
