DAVAO CITY – Padayon nga nanawagan si Davao City Mayor Inday Sara Duterte-Carpio sa publiko nga ipabilin ang pagtamod sa health protocols batok Covid-19.
Una ng gibutyag sa Mayor nga nakabati ang syudad og pre-surge o pagsaka sa kaso sa Covid-19. Kahinumdoman nga una na sab nga gikumpirma sa Southern Philippines Medical Center (SPMC) nga misaka sab ang ihap sa bed occupancy rate sa ospital diin midungag matud pa sila og dugang nga ICU beds alang sa Covid-19 patients.
Nagalaom sab si Mayor Sara nga mas mudaghan pa ang mabakunahan sa syudad aron mas mapadali ang vaccination rollout ingon man maangkon ang target nga ihap sa mga prayoridad nga mabakunahan.
Subay matud pa sa gihimong pagtuon, sa higayong mabakunahan sa unang dose ang usa ka tawo hataas ang kahigayunan nga mokunhod ang matakdan sa nahisgutang virus.
