DAVAO CITY – Mabuhi nga malinawon ug walay kahadlok, kini ang gibutyag sa mga opisyal sa New People’s Army (NPA) nga boluntaryo nga mibalik sa kagamhanan ilalom sa 28th Infantry (Kamagong) Battalion sa Philippine Army.
Una ng naila ang mga mitahan nga sila si Jerry Jhon Barequit Geconcillo, alyas JHONNY JINK / GEAN, CO sa Southern Regional Guerilla Unit ug iyang asawa-sa-partido nga si Sarah Jane Cañales, alyas SARAH / CENDY.
Sumala pa kang Lt.Col. Danny D. Bustamante sa 28th IB, mitahan ang mga nahisgutan sa Headquarters 28th Infantry Battalion, Nueva Visayas,Mawab, Davao de Oro. Dala ni alyas Jhonny ang usa ka (1) ka UZI gun INGRAM MAC-10 DELUX.
Girason sa mga nahisgutan nga lisud ang ilang kahimtang sa bukid ug buot nila nga magsugod sa ilang bag-ong kinabuhi isip pamilya.
Nanawagan sab si Lt. Col. Bustamante, Commander sa 28IB ngadto sa uban pa nga mga miyembro sa NPA nga mas maayong pahimuslan ang kahigayonan ilabi na nga adunay mga programa karon ang kagamhanan aron moabag kanila aron nga makasugod sa ilang bag-ong kinabuhi.
Mas maayo sumala pa nga matapos na ang dugay na giyera aron nga matabangan ang mga umaabot nga henerasyon nga manginabuhing malinawon ug walay bati-on nga kahadlok.
