DAVAO CITY – Ginahulat na lamang karon ang resolusyon gikan sa Regional Inter Agency Task Force RIATF XI nga gipangunahan sa Department of Interior and Local Government (DILG-XI) alang sa pagpatuman sa bag-ong restriksyon sa tanang border sa Davao Region.
Kahinumduman nga una nang mipadangat og sulat si Davao Mayor Sara Duterte-Carpio sa RIATF alang sa semi-closure sa borders sa tibuok Davao Region aron malimitahan ang mga musulod ingon man nga tugutan lamang nga makasulod mao ang mga esensyal sama sa trabaho, negosyo ug pagpatambal.
Una ng gibutyag ni Davao City Health Officer ug City COVID-19 Task Force Focal Person Dr. Ashley Lopez nga lakip nga sa pagpatuman sa restrictions ang pagpresenta sa mga inbound travelers o passenger og negative RT-PCR result na dili mulapas sa 72 hours.
Posible sumala pa nga kinahanglan nga ipresenta ang negative RT-PCR test results ang mga land travelers nga musulod sa sa syudad.
