DAVAO CITY – Gibutyag ni Jhonna Christensen, care giver nga nakabase karon sa Til Avev, Israel nga bisan ubos na ang natalang kaso sa Covid-19 sa nahisgutan nga lugar, kinahanglan pa gihapon nga motamud sa mga lakang partikular na sa health protocols kini aron malikayan pa gihapon ang pagsaka sa kaso sa Covid-19.
Gani gikanayon sab sa nahisgutan nga aduna pa gihapoy kaso sa mga natakdan ug covid-19 sa nasod apan ubos na kini kung itandi sa milabay nga mga bulan.
Una na matud pa nga nagpagula ug kamandoan ang kagamhanan sa Israel ngadto sa ilang mga kababayan nga likayan una ang nahisgutang religious activity apan daghanan sumala pa ang gahi ug ulo hinungdan nga nahitabo ang stampede nga gikalay sa halos 50 ka mga pilgrims ug gika-angol sa kapin 100 pa ka mga indibidwal.
Samtang nagpadayag sab sa iyang pagpasalamat si Jhonna sa kagamhanan sa Israel gumikan kay kalakip sila sa mga nahatagan ug prayoridad aron nga bakunahan ug Covid-19 vaccine nga gama sa phyzer, gani nakatapos na matud pa siya sa duruha ka dose sa bakuna. Hinuon aduna sumala pa siyay nabati nga side effect apan dali lamang sumala pa kini nga nawala.
