DAVAO CITY – Nagpadayag ug dakong pagpasalamat ang lokal nga kagamhanan sa nadawat nga mga medical supplies gikan sa People’s Republic of China isip suporta sa mga nag-unang panginahanglanon ug serbisyo sa dakbayan.
Kahinumduman nga ang nahisgutan nga mga supplies ang gitunol pinaagi sa Chinese Embassy sa Pilipinas.
Gikanayong dakong tabang kini aron nga mapalambo pa ang trabaho sa Davao City Barangay Health Centers, Barangay Health Workers (BHW) ug Barangay Nutrition Scholars (BNS).
Nakadawat sumala pa ang BHWs ug BNS ug usa ka Baxtel Aneroid sphygmomanometer uban ang stethoscope, usa ka set sa first aid kits, ug mga payong. Itunol sumala pa kini sa tanan nga mga health workers sa 182 barangay sa dakbayan.
Samtang nakadawat sab ang barangay health centers ug duruha ka unit sa Primaplus compressor nebulizer, usa ka unit sa Baxtel Aneroid sphygmomanometer uban ang stethoscope, timbangan ug height measurement (platform type) ingon man first aid kit set.
