DAVAO CITY – Giaprubahan na sa ika-duha nga pagbasa sa konseho ning dakbayan sa Dabaw ang ordinansa nga hugot nga nagdili sa pagbaligya ug pagpasulod ug mga imported ug local nga mga baboy ug uban pang pork products gikan sa mga dapit nga apektado sa African Swine Fever (ASF).
Tumong sumala pa niini nga mapugngan ang mas pagkatag pa sa ASF sa syudad.
Gikanayon ni councilor Ralph Abella, tag-sulat sa ordinansa ug chairperson sa committee on agriculture makonsedera nga maka-alarma na ang pagkatag sa ASF gumikan kay bisan ang mga baboy ihalas sa kabukiran kalit na lang nga nangamatay nga daw naapektuhan usab sa ASF.
Ilalom sa gidusong ordinansa, multahan ug gikan 3 mil hangtud 5 mil ka pesos o dili ba kaha makansela ang busness permit ug mabilanggo hangtud sa 6 ka bulan ang mga negosyante nga makasupak niini.
Gipasalig ni Abella nga dili maka-apekto sa supply sa karneng baboy sa syudad ang iyang gidusong ordinansa.
