DAVAO CITY – Patay ang usa ka mag-uuma human nga gidunggab kini sa iyang manghod pasado alas 8:00 ang takna kagabii sa Prk. 4, Brgy.Datu Ampunan, Laak Davao De Oro.
Ang biktima naila nga si Romeo Subla, 47-anyos, samtang ang suspek naila nga si Lino Subla 45-anyos pulos mga ulitawo, mga mag-uuma ug ang durha residente sa nasampit nga lugar.
Subay sa report sa kapulisan, gibadlong sa manghod (suspek) ang iyang maguwang (biktima) tungod sa pagdala niini ug kutsilyo.
Apan gikasuko kini sa biktima ug iyang gitigbas ang iyang manghod sa kumagko ug ulo apan wala kini maintimano, tungod sa maong insidente gidunggab sa suspek ang iyang maguwang nga naigo kini sa nagkadaiyang bahin sa iyang kalawasan nga miresulta sa hinanaling kamatayon niini. Dali sab nga misurrender ang suspetsado sa usa ka CAFGU ug mga opisyal sa nasampit nga Barangay.
