DAVAO CITY – Padayon nga nanawagan ang Department of Trade and Industry (DTI-XI) sa mga establisyemento ug sa mga gambalay sa tibuok Davao Region nga mutamod sa health and safety protocols batok Covid-19, kini aron maluwas sa makamatay nga kagaw ang mga mamumuo ingon man mga indibidwal nga musulod ug gawas niini ilabi na karon nga gipaluagan na ang pipila ka sumbanan sa Covid-19.
Gibutyag ni Atty. Dianne Bay Grado, Legal Officer sa DTI-XI nga hugtanon matud pa ang ilahang monitoring sa mga establisyemento aron masuta kung aduna bay misupak sa kamandoan sa mga otoridad.
Dugang sa opisyal nga kung ugaling masikop nga wala mituman, ilaha sumala pang hatagan og warning o dili ka baha i-endorso ngadto sa hingtungdang ahensya alang sa tukmang aksyon.
Hinuon, gikumpirma sab niini nga sa kasamtangan wala pa silay nasutang misupak sa health protocols sa mga gambalay rehiyon.
Gitino sab niini nga sukad sa ilang pag monitor sa mga kada gambalay ingon man establisyemento diin padayon sumala pa nga mitamod kini sa sumbanan nga gipatuman sa Inter-Agency Task Force (IATF).
