DAVAO CITY – Padayon ang panawagan ni Davao City Mayor Inday Sara Duterte-Carpio ngadto sa publiko nga makighiusa sa otoridad ilabi na ang ilang kampanya karon nga “Culture of Security “ o gilayon nga ipahibalo ngadto sa otoridad kung adunay mamatikdan nga kadudahan nga mga butang o mga tawo sa palibot.
Tipik lamang ang pahayag sa Mayor dungan sa bag-ohay pa lamang nga paghinumdom sa ika-18 nga anibersayo sa duguon nga old airport bombing sa Sasa ning dakbayan diin ubay-ubay ang natalang namatay o nasamdan.
Sa higayon nga aduna sumala pay pakighiusa sa otoridad, mamahimo matud pa nga mapugngan ang mga dautan nga plano sa mga terorista.
Kahinumduman nga matag tuig ginahinumdom sa siyudad ang mga ngilngig nga panghitabo sa siyudad ug padayon sab ang gihatag nga suporta sa lokal nga kagamhanan alang sa mga nahibilin nga pamilya sa mga nahimong biktima.
