DAVAO CITY – Nangandam na sab karon ang lokal nga kagamhanan sa Mati City sa pag-abot sa 400 ka doses sa Sinovac sa lalawigan karong adlaw nga lunes, Marso 8, 2021.
Prayoridad nga mabakunahan ang mga health care workers sa Davao Oriental Provincial Medical Center, St. Camillus Hospital, ug Alternate Care Site sa Milagrosa.
Sumala pa kang Roger Palec, Provincial DOH Officer, nga aduna silay mga priority levels alang sa mga makadawat ug Covid-19 vaccines.
Gikanayong kalakip sa Level 1 priority mao ang mga Covid-referral facilities sama sa Southern Philippines Medical Center sa Davao City ug Davao Regional Medical Center sa Tagum City.
Samtang ang Level 2 priority ang gilangkuban sa DOPMC ug St. Camillus. Anaa sab sa level 3 ang city-run nga ACS Milagrosa.
Gitataw ni Pales nga gumikan sa kakulangon ug supply sa bakuna, ang regional office sa Department of Health maka-alokar lamang ug 400 doses sa Sinovac sa Mati City.
Gikanayong ang mga makadawat sa unang dose sa 400 doses ang sigurado na nga matuplokan sab sa ikaduha nga dose niini.
Sa higayon sumala pa nga mobalibad o mo-atras ang health care worker nga magpabakuna ug Sinovac, andam sumala pa kini nga ituplok sa uban nga walay pagduha-duha sa bakuna.
